Marchnad Abertawe yw'r farchnad dan do fwyaf yng Nghymru ac mae'n un o'r rhai mwyaf ac enwocaf yn y DU sy'n cynnal traddodiad canrifoedd o fasnachu marchnad yng nghanol y ddinas. Adeiladwyd y farchnad gyfredol ar Stryd Rhydychen ym 1961 ar ôl i’r adeilad gwreiddiol gael ei ddinistrio yn y Blits. Mae'r to gwydr mawreddog yn 192 troedfedd ac mae'n rhan enwog o nenlinell Abertawe. Heddiw, mae'r farchnad yn gartref i dros 100 o fasnachwyr lleol annibynnol sy'n cynnig croeso cynnes, dihafal ac amrywiaeth unigryw o nwyddau a gwerth am arian.
O dan y to gwydr, dewch o hyd i gig a ffowlyn, pysgod a bwyd y môr, cynnyrch lleol, ffrwythau a blodau ardderchog. Mae'r farchnad yn cynnal rhai o'r traddodiadau gorau bwyd lleol a Chymru gan gynnwys bara lawr traddodiadol, cocos yn ffres o Benclawdd, pice ar y maen yn syth o'r radell, golwython cig wedi'u paratoi yn null traddodiadol Cymru a ffrwythau a llysiau yn syth o Benrhyn Gŵyr a Sir Benfro.
Fodd bynnag, mae llawer mwy na'r dewis gwych o fwyd. Mae sawl lle i siopwyr brynu byrbryd cyflym neu eistedd i gael pryd yn ogystal â stondinau sy'n gwerthu llyfrau, gemwaith, blodau, cardiau, dillad, llestri o'r radd flaenaf, bagiau llaw moethus, anrhegion i westeion priodas a llawer mwy.
Bydd archwilio'r wefan hon yn rhoi llawer o wybodaeth i chi ond y ffordd orau i samplu elfennau hyfryd Marchnad Abertawe yw ymweld â hi a chael profiad personol!