Croeso i Farchnad Abertawe!

Marchnad Abertawe yw'r farchnad dan do fwyaf yng Nghymru ac mae'n cadw'r hen draddodiad o fasnachu yng nghanol y ddinas.

Mae dros 100 stondin gydag amrywiaeth eang o gynnyrch lleol, ffres a nwyddau traddodiadol Cymreig, a byddwch hefyd yn dod o hyd i siopau cigyddion a gwerthwyr pysgod arbenigol, ac mae llawer ohonynt wedi bod yn gweini pobl Abertawe ers cenedlaethau.

Byddwch hefyd yn dod o hyd i stondinau sy'n gwerthu anrhegion personol, gemwaith ac ategolion hardd, cosmetigau, nwyddau lledr, dillad plant ar gyfer achlysuron arbennig a llawer mwy. Yn ogystal, gallwch gael hoe mewn un o'n caffis a siopau coffi.